John Wick: Chapter 4 2023

Í ágúst 2020 var tilkynnt að fimmti kafli sögunnar um John Wick væri á teikniborðinu og að myndin yrði tekin upp samhliða fjórða kafla. Síðar var þó ákveðið að taka kafla fjögur upp einan og sér og óvíst er hvort fimmti kafli verði að veruleika. Keanu Reeves hefur sagt að það velti á viðbrögðum áhorfenda við fjórða kafla.

Þegar leikstjórinn Chad Stahelski var beðinn að lýsa John Wick Chapter 4 í viðtali við kvikmyndatímaritið Empire sagði hann: „Ef þú lætur The Good, The Bad and The Ugly mæta Zatoichi og bætir við grískum goðsögum þá færðu líklega eitthvað í líkingu við myndina.“

Bandaríska dagblaðið The Wall Street Journal taldi orðin sem Keanu Reeves segir í myndinni og komst að því að þau eru 380.