Lone Star (1996)

Sam Deeds er lögreglustjóri í Rio County í Texas. Hann lifir í skugganum af föður sínum heitnum, sem var hinn virti fyrrum lögreglustjóri Buddy Deeds, sem tók við starfinu af hinum spillta Charlie Wade. Sam átti aldrei gott samband við föður sinn, sérstaklega á unglingsárunum, þegar Buddy bannaði honum að vera með fallegri spænskættaðri stúlku, Pilar Cruz. Sam er nú kallaður út til að rannsaka 40 ára gamla beinagrind sem fannst í eyðimörkinni og eftir því sem Sam kafar dýpra ofaní drungaleg leyndarmál bæjarins, þá byrjar hann að komast að fleiri og fleiri leyndarmálum um föður sinn. Eftir því sem Sam púslar saman brotunum í ráðgátunni um dularfulla líkið, þá byrjar hann einnig að reyna að endurvekja samband sitt við gömlu kærustuna.