Hinn skemmtilegi karakterleikari William H. Macy á í samningaviðræðum um að leika aðalhlutverkið í kvikmyndinni Cellular. Í myndinni myndi hann leika rannsóknarlögreglu sem er að reyna að finna fórnarlamb mannráns (sem leikin verður af Kim Basinger ). Fórnarlambið hefur komist í farsíma og hefur hringt í ungan mann sem hún verður að sannfæra um að henni hafi í raun verið rænt. Myndinni verður leikstýrt af David Ellis ( Final Destination 2 ).
