Leikarinn Christopher Eccleston segist í léttu gríni hafa viljað fá hlutverk í framhaldsmyndinni Thor: The Dark World vegna peninganna.
Hinn breski Eccleston leikur Malekith, leiðtoga myrku álfanna, í þessari væntanlegu Marvel-mynd.
„Tilgangurinn með mínu hlutverki í myndinni var að fá borgað,“ sagði hann í léttu gríni.
„Ég sá myndina í síðustu viku og það kom mér á óvart hversu mikill húmor er í henni. Ég kom samt hvergi nálægt honum því persónan mín hugsaði ekki um annað en hefnd.“
Í myndinni reyna Þór og Loki í sameiningu að bjarga Ásgarði og þurfa einnig að kljást við Malekith.