Eins og við greindum frá fyrir stuttu hefur kvikmyndaverið MGM ákveðið að endurræsa Robocop seríuna, sem vakti blendin viðbrögð meðal aðdáenda persónunnar. Leikstjórinn Jose Padilha, sem gerði hina stórgóðu Tropa de Elite, var ráðinn stuttu seinna og er leitin af leikara í titilhlutverkið nú hafin.
MGM eru sagðir vilja þekktan leikara í hlutverkið og hafa sent mörgum stjörnum tilboð. Af óskalistanum má helst nefna þá Tom Cruise, Johnny Depp og Keanu Reeves, en MGM býst við að fá svar frá leikurunum í vikunni.
– Bjarki Dagur