Leikur á móti Cage í Dog Eat Dog

Willem Dafoe hefur bæst við leikaraliðið í glæpamyndinni Dog Eat Dog, þar sem Nicolas Cage fer með aðalhlutverkið. willem defoe

Tökur á myndinni eru hafnar í Cleveland. Leikstjóri er Paul Schrader en myndin er byggð á samnefndri bók eftir Eddie Bunker.

Hún fjallar um þrjá glæpamenn sem eru ráðnir til að framkvæma mannrán en lenda á flótta í Los Angeles þegar það fer út um þúfur.

Myndin er væntanleg í bíó á næsta ári, samkvæmt frétt Empire.