Nýtt á Netflix Íslandi

Fyrir utan það að vera í sama bekk í Shermer miðskólanum í Shermer, Illinois, þá eiga þau Claire Standish, Andrew Clark, John Bender, Brian Johnson og Allison Reynolds fátt sameiginlegt, en einnig eru þarna þau Claire og Andrew, sem eiga engin samskipti við aðra nemendur. Claire er prinsessan og Andrew er íþróttagaurinn, John er glæpamaðurinn, Brian er heilinn, og Allison er skrýtna stelpan. En það eina sem sameinar þau núna er að þau þurfa að sitja eftir í níu klukkustundir í bókasafni skólans laugardaginn 24. mars, 1984, undir stjórn Hr. Vernon, sem stjórnar þeim frá skrifstofunni hinum megin við ganginn. Hvert þeirra á að skrifa ritgerð sem á að vera að lágmarki eitt þúsund orð um hver þau halda að þau séu. Í fyrstu, ef þau skrifa þá nokkuð, mætti ætla að þau skrifuðu um það hvernig heimurinn sæi þau, og hvað þau hafa verið heilaþvegin í að trúa um sjálf sig. En byggt á þeim ævintýrum sem þau lenda í þessa níu tíma, þá munu þau sjá sjálf sig í algjörlega nýju ljósi.

Leiguskyttan Brandon Beckett og Agent Zero þurfa að stöðva vopnasala í að nota stórhættulegt ofurvopn. Þeir fara til Costa Verde til að stjórna þar hópi úrvalshermanna gegn miskunnarlausum uppreisnarher. Beckett tekur óreynda leyniskyttu undir sinn verndarvæng og tekst á við nýja áskorun: að gefa skipanir í stað þess að framfylgja þeim. Tími og skotfæri eru brátt uppurin. Nú reynir á teymið. Tekst því að lifa af áður en mannkyni verður gereytt.

Leikarinn Charlie Sheen segir sögu sína í þessari tveggja þátta heimildarmynd sem segir frá glæstum frama hans í Hollywood, hvernig hann féll af stalli og varð forsíðuefni slúðurblaðanna og leið hans til bata.

Allt fer til helvítis fyrir hina nýlega ófrísku Belindu þegar tengdamóðir hennar flytur inn. Þegar hinn djöfullegi gestur reynir að læsa klóm sínum í barnið, þarf Belinda að setja skýr mörk.

Billie Frank er ung og feimin stúlka af blönduðum kynþætti, sem er send að heiman af móður sinni sem er alkóhólisti, þegar hún er ung. Á munaðarleysingjahælinu þá kynnist hún Louise og Roxanne. Nú er stokkið fram til ársins 1983. Billie og vinir hennar ná athygli hljómplötuframleiðanda, Timothy Walker, sem vill fá þær til að syngja bakraddir á plötu. En þegar plötusnúðurinn Julian Dice heyrir ótrúlega söngrödd Billie, þá semur hann við Walker. Ekki líður á löngu þar til Billie og Dice eru byrjuð að semja flott lög, og renna hýru auga hvort til annars. En fljótlega fer pressan að aukast vegna nýfenginnar frægðar.

Herdman krakkarnir eru óneitanlega óþekkustu krakkar allra tíma. Þau ljúga, stela, svindla, stríða og hrella allt og alla í bænum. Og um þessi Jól þá hertaka þau hátíðarsýningu kirkjunnar - og mögulega eru þau óafvitandi að kenna litla bænum hvað Jólin þýða í raun.

Girðingin í kringum verndarsvæði villidýra hefur rofnað og Bear er fenginn til að hjálpa til við að bjarga bavíana, elta hungrað ljón og gera við girðinguna áður en fleiri dýr sleppa út.

Thelma er nemandi í háskóla sem verður hrifin af samnemanda sínum, Önju, en reynir að fara leynt með tilfinningar sínar til hennar enda hrædd við að opinbera kynhneigð sína. Við það losnar úr læðingi gríðarleg orka úr undirmeðvitund hennar sem hún hefur enga hugmynd um hvernig á að beisla. Í ljós kemur að orkan sem býr innra með Thelmu getur verið banvæn við ákveðnar aðstæður ...

Eftir að hafa orðið ófrísk eftir skyndikynni stólar einhleyp kona á gifta bestu vinkonu sína og tveggja barna móður um að leiða sig í gegnum meðgönguna og allt annað sem fylgir.

Líf hins 19 ára gamla Isaiah Wright snýst um körfubolta og tölvuleiki. Það er eitt ár síðan hann kláraði menntaskólann en hann er ekki með vinnu og engin plön fyrir framtíðina. Einstæð móðir hans, Cynthia, ákveður að setja honum afarkosti - að girða sig í brók eða flytja út. Isaiah fær vinnu hjá Moore Fitness án þess að vita um áhrifin sem eigandinn á eftir að hafa á líf hans. Bænir móður hans og óvænt leiðsögn hins nýja leiðbeinanda neyða Isaiah til að horfast í augu við fortíðina, fórna sjálfselskunni og uppgötva að Guð gæti verið með eitthvað stærra í huga fyrir hann.

Fjórum mánuðum fyrir Jól, þá lenda þau Sarah og Matthieu Scarangelo í bílslysi, þar sem einungis Sarah og ófætt barn hennar lifa af. Á aðfangadag þá er Sarah ein heima, þar sem hún syrgir eiginmann sinn og býr sig undir að fara á spítalann daginn eftir til að fæða barnið. Seint um kvöld, þá knýr kona dyra hjá Sarah, og biður um að fá að hringja. Þegar hún neitar, þá segist konan þekkja Sarah og reynir að troða sér inn. Sarah hringir á lögregluna; hún kemur og rannsakar húsið og segir að konan sé farin, en lofar að fylgjast með Sarah um nóttina. Konan snýr aftur og reynir að taka ófætt barn Sarah, en Sarah lokar sig inni á baðherbergi. Konan skrítna hrellir Sarah alla nóttina og drepur alla sem reyna að hjálpa henni.

Mafíuforingi og fjölskylda hans eru flutt til rólegs bæjar í Frakklandi í vitnavernd, eftir að hafa gefið yfirvöldum upplýsingar um mafíuna. Þrátt fyrir að leyniþjónustumaðurinn Stansfield geri sitt besta til að láta þau halda sig á mottunni, þá er erfitt fyrir þau Fred Manzoni, eiginkonu hans Maggie og börn þeirra þau Belle og Warren, að snúa aftur til fyrri hátta og koma upp um sig með því að leysa málin með sínum eigin aðferðum, sem verður til þess að fyrrum félagar þeirra í mafíunni komast á snoðir um felustað þeirra. Ringulreið upphefst og nú þarf að jafna metin.

David reynir hvað hann getur að búa fjölskyldu sinni gott líf, og kaupir af rælni bát á uppboði, og trúir að hann verði lykillinn að hamingju og velsæld fjölskyldunnar. En fljótlega eftir að þau leggja úr höfn í jómfrúarsiglinguna, fara skrítnir og skelfilegir hlutir að gerast, og þau fara að efast um eigin geðheilsu. Eftir því sem spennan magnast, þá rekur skipið af leið, og smátt og smátt átta þau sig á því að eitthvað verulega illt bíður þeirra handan sjóndeildarhringsins.

Með fágætum aðgangi og án nokkurra hafta rannsakar hinn heimsþekkti heimildarmyndagerðarmaður Louis Theroux vaxandi ofurkarlmannlegt tengslanet og umdeilda áhrifavalda þess.

Þegar farsæl hljómplötuútgáfa David Smallbone verður gjaldþrota flytur hann með fjölskylduna frá Ástralíu til Bandaríkjanna í leit að betri framtíð. Með ekkert annað í farteskinu en sex börn sín, ferðatöskur og ást sína á tónlist byrja þau David og ófrísk eiginkona hans Helen að byggja lífið aftur upp frá byrjun.

Traustið brestur þegar lögregluteymi í Miami í Flórída í Bandaríkjunum finnur milljónir í reiðufé í niðurníddri dópmiðstöð, sem veldur því að allir – og allt – er dregið í efa.

Dauði Shivaji hrindir af stað Maratha-Mughal átökunum. Sonur hans Sambhaji leiðir andspyrnuna gegn herjum Aurangzeb. Milli bardaga og átaka mæta báðar fylkingar áskorunum í valdataflinu.

Eftir að hafa barist fyrir því að ástin nái að lifa af aðskilnað, alheimsfaraldur og útgöngubann sem hélt þeim fjarri hvoru öðru, þá hittast Joy og Ethan á ný í Kanada, en komast að því að þau hafa bæði breyst mikið.

Simon er uppburðarlítill maður, og það fer lítið fyrir honum. Enginn tekur sérstaklega eftir honum í vinnunni, móðir hans fyrirlítur hann, og konan sem hann elskar virðir hann ekki viðlits. Hann sér enga von um að geta breytt þessu til betri vegar. Þá kemur til sögunnar nýr samstarfsfélagi, James, sem veldur róti á líf Simons. James er bæði nákvæmlega eins í úliti og Simon, en á sama tíma er hann algjör andstæða hans, sjálfsöruggur, hefur persónutöfra og á gott með að laða að sér konur. Simon til mikils hryllings, þá byrjar James smátt og smátt að yfirtaka líf hans.

Þegar ung grænmetisæta, Justine, gengst undir blóðuga busavígslu í dýralæknaskóla, þá fer löngun eftir kjöti að vaxa innra með henni.