Handritshöfundar teiknimyndarinnar Kung Fu Panda, þeir Cyrus Voris og Ethan Reiff, hafa verið ráðnir til að skrifa handrit að framhaldi Karate Kid myndarinnar, sem sýnd er nú í bíói á Íslandi við góðan orðstír.
Jaden Smith, Jackie Chan og Taraji P. Henson leika í fyrstu myndinni sem kostaði 40 milljónir dala að gera. Myndin hefur slegið í gegn um víða veröld og mokað 299,7 milljónum Bandaríkjadala í kassann. Leikstjóri er Harald Zwart.
Columbia Pictures hafa ekkert sagt um þema framhaldsmyndarinnar. Will Smith, faðir aðalleikarans Jaden Smith, er framleiðandi ásamt Overbrook Entertainment mönnunum James Lassiter og Ken Stovitz.
