Hver gæti verið betur til þess fallin en Angelina Jolie að leika hlutverk egypsku drottningarinnar Kleópötru, sem þekkt er í sögunni fyrir ómótstæðilega fegurð sína.
Á vef Screen Junkie er sagt að Óskarsverðlaunaframleiðandinn, Scott Rudin, sem fékk verðlaunin fyrir No Country for Old Men, sé með Angelinu í sigtinu fyrir hlutverk í mynd um Kleópötru, sem gera á eftir bókinni um drottninguna, Cleopatra: A Life.
Eins og í bókinnni, sem er eftir Stacy Schiff, þá verður í myndinni dregin upp nákvæm mynd af drottningunni sem er ein frægasta persóna veraldarsögunnar. Allt er þetta á vinnslustigi, en verður spennandi að fylgjast með.
Scott Rudin með augastað á Jolie.