Marvel ofurhetjumyndin Black Panther: Wakanda Forever fékk hörkusamkeppni á toppi íslenska bíóaðsóknarlistans um síðustu helgi, en Disney teiknimyndin Skrýtinn heimur, eða Strange World, var mjög nálægt því að ýta henni úr toppsætinu, á sinni fyrstu viku á lista.
Tekjur Black Panther námu 2,6 milljónum króna en tekjur Skrýtins heims námu 2,4 milljónum.
Heildartekjur Black Panther: Wakanda Forever frá frumsýningu nema nú 27,7 milljónum króna.
Þess má til gamans geta að sama staða er á toppi bandaríska listans, þar sem Black Panther er í fyrsta sæti og Strange World í öðru.
Þriðja sæti íslenska listans er nú, rétt eins og í síðustu viku, skipuð The Menu.
Ný í fjórða sæti
Hin nýja myndin sem kom í bíó um helgina, flugmyndin Devotion, nældi sér svo í fjórða sæti listans.
Sjáðu topplistann í heild sinni hér fyrir neðan:
