Kvikmyndir.is hefur sagt allnokkrar fréttir af gamanleikaranum Paul Rudd síðustu daga. Fyrst var frétt af leikriti sem hann leikur í þar sem áhorfandi kastaði upp ofaní hljómsveitargryfjuna. Þá var frétt um bandaríska útgáfu Á annan veg, en þar leikur Rudd annað aðalhlutverkið, og þá má geta þess að við sýndum stiklu fyrir myndina Admission, þar sem hann leikur á móti Tinu Fey.
Paul Rudd hefur ekki sagt sitt síðasta orð hér á kvikmyndir.is því hér er komið nýtt plakat fyrir myndina This is 40, en í myndinni koma persónurnar úr Knocked Up saman á ný, í leikstjórn Judd Apatow. Hjónalífið er greinilega komið í fullan gang og börnin byrjuð að hoppa í rúminu.
Hér að neðan er stiklan úr myndinni:
Myndin verður frumsýnd 22. febrúar á Íslandi.
