Nýjustu fregnir herma að leikstjórinn góðkunni, Quentin Tarantino, ætli að endurskrifa kvikmyndina The Hateful Eight og leggja svo af stað í framleiðslu á myndinni sem fyrst. Engar staðfestingar hafa þó fengist frá herbúðum Tarantino.
Rúmar tvær vikur eru liðnar frá því að handritið að myndinni var lekið á netið. Tarantino hætti við myndina í kjölfarið og sagðist ætla að breyta handritinu í bók sem hann myndi síðar meir gefa út
Samkvæmt fréttamanni á kvikmyndasíðunni The Wrap, þá á Tarantino að hafa talað við Samuel L. Jackson nýverið um stórt hlutverk í myndinni og að endurskrif séu hafin. Upprunalega voru þeir Michael Madsen, Christoph Waltz og Tim Roth hugsaðir í meginhlutverkin, en margt getur breyst í endurskrifum.
