Hættir við Assange-mynd vegna X-Men

Skoski leikarinn  James McAvoy er hættur við að leika í nýrri mynd um Julian Assange, stofnanda Wikileaks.

Búið var að bjóða hinum 33 ára McAvoy hlutverk aðstoðarmanns Assange, Daniel Domscheit-Berg, en á endanum þurfti hann að draga sig út vegna þess að tökur á myndinni stönguðust á við tökur á X-Men: Days of Future Past.

Samkvæmt The Hollywood Reporter mun þýski leikarinn Daniel Bruhl hlaupa í skarðið fyrir McAvoy.