Páskafríið er fullkominn tími til að hægja á tempóinu og leyfa sér að detta inn í góða seríu. Hvort sem þú ert í stuði fyrir spennu sem grípur strax, dramatík sem situr í þér eða eitthvað létt og skemmtilegt þá er nóg af efni á veitunum sem er vel þess virði að horfa á.
Hér eru seríur sem grípa og standa sannarlega upp úr.
Hágæða spenna
Landman (2024)
Spennudrama sem gerist í olíuiðnaði Texas þar sem gríðarlegir fjárhagslegir hagsmunir eru í húfi. Serían fylgir landréttindafulltrúanum Tommy Norris, leiknum af Billy Bob Thornton, og segir frá hvernig starf hans og fjölskyldulíf fléttast saman í þessum hættulega geira, þar sem mikil áhætta er tekin og togstreita ríkir milli valdamikilla aðila. (Aðgengileg á Sjónvarpi Símans)
Shōgun (2024)
Sjónrænt fögur, metnaðarfull og mögnuð sería sem gerist í Japan á 17. öld. Hún blandar saman pólitík, menningarátökum og persónulegum sviptingum á þann hátt að hver þáttur verður að upplifun. Þetta er ein af stærstu og vönduðustu seríum síðustu ára. (Aðgengileg á Disney+)
The Bridge (Bron Broen)
Ein áhrifamesta norræna glæpasería sem gerð hefur verið. Morð á landamærabrú milli Danmerkur og Svíþjóðar kallar á samstarf lögreglu beggja landa. Stemningin er köld og hæg en grípur mann algjörlega. (Aðgengileg á AppleTV)
Paradise
Spennusería þar sem leyniþjónustumaður rannsakar morðið á fyrrverandi forseta í samfélagi sem virðist fullkomlega friðsælt. Þegar hann fer dýpra í málið kemur í ljós að undir yfirborðinu leynast ýmis leyndarmál og að hlutirnir eru ekki eins og þeir virðast. (Aðgengileg á Disney+)
Hæst
Fyndnir íslenskir dramaþættir um fjóra ólíka kennara sem ákveða að ræna nemendafélag skólans til að leysa eigin vandamál, en hlutirnir fara fljótt úr böndunum. (Aðgengileg á Sjónvarpi Símans)
Dramatík sem situr eftir
Succession (2018–2023)
Ein áhrifamesta dramasería síðustu ára. Hún fjallar um fjölskyldu sem stjórnar fjölmiðlaveldi þar sem baráttan um völd, peninga og áhrif er stöðug. Samtölin eru beitt og persónurnar ógleymanlegar. (Aðgengileg á HBO Max)
The White Lotus (2021– )
Snjöll, kaldhæðin og beitt sýn á forréttindafólk í lúxusfríi. Hver þáttaröð kynnir nýjan stað og nýjar persónur, en undir yfirborðinu kraumar spenna sem gerir seríuna sérstaklega áhugaverða. (Aðgengileg á HBOMax)
Verbúðin (2021)
Verbúðin á RÚV er ein vandaðasta íslenska dramasería síðustu ára. Hún fjallar um miklar samfélagsbreytingar á tímum kvótakerfisins og dregur upp sterkar myndir af fólki sem reynir að fóta sig í nýjum veruleika.
Létt og skothelt
Venjulegt fólk
Gamansöm dramasería um tvær vinkonur sem eltast við lífsgæði, frama og viðurkenningu. Þegar hlutirnir fara að ganga upp fylgja því líka óvæntar afleiðingar sem hafa áhrif á bæði samband þeirra og fólkið í kringum þær. Létt á yfirborðinu en með meiri dýpt en hún gefur fyrst til kynna. (Aðgengileg á Sjónvarpi Símans)
Clarkson’s Farm (2021– )
Virkilega skemmtileg sería þar sem Jeremy Clarkson reynir fyrir sér í búskap. Fyndin, heillandi og gefur góða innsýn í líf sem er flóknara en það virðist .(Aðgengileg á Prime video)
Heimsókn
Stuttir og aðgengilegir þættir á Sýn þar sem Sindri Sindrason heimsækir fólk og gefur innsýn í líf þess á persónulegan og oft hlýlegan hátt. Létt og notalegt efni sem hentar vel þegar þú vilt eitthvað einfalt.
Fyrir páskana
The Chosen (2017– )
Vönduð og aðgengileg sería um líf Jesú og lærisveina hans. Mannleg nálgun og sterk frásögn gera hana að fullkomnu vali yfir páskana. .(Aðgengileg á Netflix)
Ef þú ætlar að horfa á eitthvað um páskana eru þessir þættir tilvaldir til að koma þér í gott og notalegt páskastuð.
Á Kvikmyndir.is geturðu séð hvar seríurnar eru í boði með veituleitinni og skráð þig inn á þitt svæði til að fá tillögur sem henta þínum smekk.
