Kvikmyndaleikarinn Ryan Gosling segir í nýju viðtali að hann hyggist hvíla sig á kvikmyndaleik. „Ég er búinn að gera of mikið af þessu,“ sagði hinn 32 ára gamli leikari í samtali við The Huffington Post.
„Ég er búinn að missa fókusinn á það hvað ég er að gera. Ég held að ég hafi gott af því að taka mér pásu og endurmeta afhverju ég er að gera þetta og hvernig ég er er að gera þetta. Og ég held að það sé líklega góð aðferð til að læra á þetta. Ég þarf á fríi frá sjálfum mér að halda eins mikið og ég býst við að kvikmyndagestir þurfi að hvíla sig á mér.“
Gosling er nýbúinn að leika í ónefndri mynd eftir Terrence Malick, en næst fáum við að sjá hann í hlutverki húðflúraðs bankaræningja í The Place Beyond the Pines.