Fyrsta stiklan úr Dirty Grandpa með Robert De Niro og Zac Efron í aðalhlutverkum er komin út. 
Í þessari gamanmynd leikur De Niro kvensaman fyrrverandi hershöfðingja sem platar barnabarn sitt Jason, sem Efron leikur, með sér í ferðalag rétt áður en Jason á að ganga upp að altarinu.
Aubrey Plaza og Dermot Mulroney eru á meðal annarra leikara.
Dan Mazer, annar handritshöfunda Borat og Ali G Indahouse, leikstýrir Dirty Grandpa. Handritshöfundur er nýliðinn John Phillips. Myndin er væntanleg í bíó í janúar á næsta ári.
