Hasarmyndin Red kom út í fyrra og sló heldur betur í gegn, en Bruce Willis fór með hlutverk fyrrverandi CIA-útsendara sem safnar saman gömlum félögum til að berjast gegn fyrrum vinnuveitanda sínum. Myndin skartaði einnig þeim Helen Mirren, John Malkovich og Morgan Freeman en hún var tilnefnd til Golden Globe verðlauna fyrir bestu gamanmynd síðasta árs.
Summit Entertainment hefur nú staðfest að handrit að Red 2 sé í bígerð. Jon og Erich Hoeber vinna nú að handritinu en þeir skrifuðu fyrri myndina. Red halaði inn rúmum 164 milljón dölum og var því næsttekjuhæsta mynd fyrirtækisins á árinu, á eftir Twilight: Eclipse.
– Bjarki Dagur
