Leikarinn/leikstjórinn skemmtilegi Jon Favreau ( Swingers ) mun leikstýra Will Farrell ( Jay and Silent Bob Strike Back ) í kvikmyndinni Elf, sem gerð er fyrir New Line Cinema. Farrell leikur fullorðinn mann sem býr á norðurpólnum og heldur að hann sé einn af álfum jólasveinsins eftir að hann lenti óvart ofan í poka jólasveinsins þegar hann var barn að aldri. Jólasveinninn hvetur hann síðan til þess að finna raunverulegra rætur sínar í Bandaríkjunum eftir að hann skemmir óvart jólaundirbúninginn með klaufaskapnum í sér. Þetta er önnur myndin sem Favreau leikstýrir, en Made var leikstjórnarfrumraun hans.
