Leikstjórinn stórgóði Guillermo Del Toro sagði í nýlegu viðtali að þriðja myndin í Hellboy-seríunni væri ekki á dagskrá. Aðdáendur myndanna voru heldur vonsviknir þegar leikstjórinn sagði að handrit væri ekki til staðar og ekki stæði til að vinna í því.
Del Toro undirbýr nú sína næstu mynd, Pacific Rim, en hann hefur unnið að útliti hennar undanfarna 6 mánuði. Myndin mun gerast árið 2012 þegar gátt opnast í miðju hafinu og gríðarstór ófreskja stígur í gegn og veldur miklum usla. Fleiri skrímsli koma í gegnum þessar ‘dyr’ þar til mannkynið verður loks að láta til skara skríða gegn ófreskjunum. „Ég funda með Universal Pictures í næstu viku,“ sagði Del Toro, „við vonumst til að geta hafið tökur í september.“
– Bjarki Dagur
