Fyrsta ljósmyndin úr kvikmyndinni The Imitation Game var birt í gær, en í myndinni fer enski leikarinn Benedict Cumberbatch með hlutverk tölvusnillingsins Alan Turing, sem kallaður hefur verið faðir tölvunarfræðinnar.
Myndin var birt sama dag og Elísabet II Bretadrottning náðaði Turing en hann var sakfelldur fyrir samkynhneigð árið 1952.
Meðal þess sem Turing er frægur fyrir er að hafa ráðið dulmálslykil Þjóðverja í Seinni heimsstyrjöldinni. Eftir að hann var sakfelldur fyrir samkynhneigð, þar sem refsingin var gelding með lyfjagjöf, þá tók Turing eigið líf, aðeins 41 árs gamall.
Á myndinni sést Cumberbatch sem Turing við vinnu við að brjóta dulmálslykililinn.
Leikstjóri er Morten Tyldum og aðrir leikarar eru helstir þau Keira Knightley, Mark Strong og Matthew Goode.
Myndin verður frumsýnd á næsta ári.
