Þriðja Transformers verður manneskjulegri

Hollywood leikarinn Shia LaBeouf segir að önnur Transformersmyndin, Transformers: Revenge of the Fallen, hafi orðið allt of stór, og vaxið sjálfri sér yfir höfuð, en sú þriðja verði hjartnæmari og persónulegri. Lebouf, sem byrjar að vinna við næstu Transformers mynd á þriðjudaginn, segir að myndin muni án efa verða sú besta hingað til. Í handritinu sé meira af mannlegum tilfinningum, en minna fór fyrir því í annarri myndinni, að sögn LaBeouf, en hann er nú staddur á kvikmyndahátíðinni í Cannes í Frakklandi, þar sem hann ræddi við blaðamenn í tilefni af frumsýningu myndarinnar Wall Street: Money never Sleeps.

„Þegar ég sá aðra myndina í bíó, þá var ég ekki mjög uppnuminn yfir því sem við höfðum gert,“ sagði LaBeouf.

Transformers: Revenge of the Fallen varð gríðarlega vinsæl, en gagnrýendur voru lítt hrifnir.

Shia LaBeouf