Val á leikurum í nýju Strandvarða kvikmyndina, eða Baywatch, stendur nú sem hæst, en þegar hafa þau Dwayne Johnson, Zac Efron og Alexandra Daddario úr True Detective 1, verið staðfest.
Nýjustu fregnir herma að búið sé að ráða í hlutverk C.J. Parker, en það var einmitt þokkagyðjan Pamela Anderson sem lék það hlutverk á sínum tíma í sjónvarpsþáttunum vinsælu, og sló í gegn um allan heim.
Eins og sjá má hér fyrir neðan var það enginn annar en The Rock sjálfur, eða Dwayne Johnson, sem kynnti Parker til leiks, og það í hægri sýningu ( slow motion ):
Leikstjóri myndarinnar verður Seth Gordon, en Dwayne Johnson fer með hlutverk Mitch Glazer, sem David Hazzelhoff lék í þáttunum. Daddario verður Summer Quinn, sem Nicole Eggert lék í þáttunum, og Efron er ungur lífvörður sem tekur þátt í því ásamt félögum sínum að berjast gegn yfirgangi olíufursta, sem ógnar umhverfinu í nágrenni strandarinnar þar sem þau vinna.
Rohrbach hefur stundað módelstörf en einnig leikið í þáttum eins og The PET Squad Files, Deadbeat, Rizzoli & Isles og Two And A Half Men. Hún er einnig með hlutverk í næstu mynd Woody Allen, sem kemur út á þessu ári.
