Furðudýrinu og leikstjóranum Michael Bay gekk svo óskaplega vel með fyrstu myndina sem hann framleiddi sjálfur, endurgerðina af The Texas Chainsaw Massacre, að hann hefur ákveðið að halda áfram í sömu mynt. Næst á dagskránni er það síðan Amityville Horror, en gamla myndin var minniháttar smellur árið 1979 með James Brolin og Margot Kidder. Sú var byggð á víst sannsögulegri bók eftir Jay Anson, og fjallaði um það hvernig reimt er í húsi einu sem ungt par flytur inní. Húsið fer að reyna að fá parið til þess að flytja og láta sig í friði með ýmsum uppákomum. Eins og áður segir mun Bay framleiða endurgerðina, og ætlar hann að láta einhvern ungan og óreyndan auglýsinga og/eða myndbandaleikstjóra hafa verkefnið til þess að sanna sig í hinum harða heimi kvikmynda.
