The Texas Chainsaw Massacre (2003)

Ég er mikil hryllingsmynda aðdáandi og vil helst sjá allar hryllingsmyndir sem koma út. Þegar ég ætlaði að sá þessa mynd var búið að vara mig við að þetta væri ógeðslega mynd sem til væri. Að vissu leiti var ég sammála. The Texas Chainsaw Massacre er mjög ógeðsleg á köflum sérstaklega þegar maðurinn með vélsögina birtist og gerir allt mögulegt með henni :S! En í stuttu máli þá er þessi mynd um 5 krakka sem eru að fara á tónleika og einnig að smygla dópi. Þau sjá stelpu sem er að labba upp við vegarkantinn á götunni og pikka hana upp í bílinn til sín af því hún er alveg miður sín. Þau tala eitthvað við hana.... og þá fyrst byrjar myndin (að mínu mati). Þessi mynd er æðisleg og ég hvet alla sem hafa gaman af hryllingsmyndum að tjekka á þessari ;)!

Ég ætla nú ekki að reyna að eyða mörgum orðum í þessa hræðilegu endurgerð af Texas Chainsaw Massacre. Svona í sem stystu máli þá er þessi mynd hræðileg. Handritið að myndinni er hræðilegt(get vel trúað því að ef Tobe Hooper hefði gert endurgerðina þá hefði hún verið betri), spennan í myndinni og óhugnaðurinn sem einkenndi gömlu myndina er ekki til staðar hér og leikararnir í myndinni eru alveg hræðilegir. Það er reynt að gera þessa mynd betri með sorglegum atriðum(maður á að fá einhverja sympathy með persónunum en það virkar ekki) og reynt er að gera hana mun ógeðslegri en það bara virkar engan veginn. Ef þú ætlar að horfa á þessa mynd með því hugarfari að hún muni verða betri en gamla myndin, þá áttu eftir að verða mjög vonsvikinn. Það þarf ekki alltaf að vera mikið blóð í góðri hrollvekjumynd. Myndir eins og gamla Texas Chainsaw Massacre og Shining sanna þá theory. Sumir eiga eftir að fíla þessa ósköp, aðrir ekki. Ég er alveg pottþétt í seinni hópnum. Þar hafið þið það.

Það er eins og maður segir ,,allar hryllingsmyndir eru eins og Texas Chainsaw er engin undantekning með það. Nokkrir krakkar,góð stúlka, eitthvað ólöglegt, kynlíf og einhver áfangastaður. (Þetta er dæmi um minni úr hryllingsbíómynd, reyndar er ekki alltaf áfangastaður). Eftir fyrstu fimm mínúturnar gat maður strax séð hver það væri sem ætti ekki þau hræðilegu örlög fyrir sér að vera sagaður. Myndin er öll svona fyrirsjáanleg. það er ósköp lítið hægt að segja um söguþráðin án þess að tala af sér. Ég myndi segja að þessi mynd sé góð skemmtun fyrir þá sem hafa áhuga á hryllingsmyndum en aðra ekki, eins og mig.

Þetta er frekar slöpp mynd sem hefði mátt vinna betur að. Það eru engin bregðu atriði og hún er alltof fyrirsjáanleg. Hún hefði getað orðið mjög góð ef þetta hefi verið lagað. Maður var orðinn frekar þreyttur í bíóinu þegar seinni hlutinn var og ég sé eftir því að þurfa að borga 800 kall inn. Þessi ræma fjallar um nokkur stikki af unglingum sem eru að fara á Lynard Skynard tónleika og keyra í gegnum einhvern skíta bæ þar sem undarlegir hlutir fara að gerast og þar býr einmitt the Texas chainsaw massacre sem drepur eins og villeisingur. Eins og ég sagði áðan er þetta léleg mynd.

Myndin er um 4 ungmenni á leiðinni í frí (og flytja dóp). En á leiðinni lenda þau í miklu veseni og þurfa að stoppa hjá gamalli myllu og þar fara hræðilegir atburðir að gerast. Þó söguþráðurinn sé enginn gullmoli þá tekst Marcus Nispel leikstjóranum að skapa sannkallaðan- og eftirminnilegan hrylling. Mikið um atriði sem fær fólk til að taka góðan kipp og flott tónlist. Ekki get ég kvartað undan leikurunum, langt í frá en þeir voru flestir mjög góðir. Ég get ekki annað en verið bara mjög sáttur við útkomuna á þessari mynd, enda er hún frábær og ég mæli með henni fyrir alla hrollverkju aðdáendur.

Stórskemmtileg og spennandi hrollvekja endurgerð á samnefndri þrjátíu ára gamallri mynd. Einstaka senur fæ ég ekki betur séð en að minna örlítið á Blair witch myndirnar og er það bara gott og blessað þar sem að þær eru líka góðar myndir. Gallarnir eru reyndar til staðar, t.a.m. eru aðeins of mikið af lausum endum undir lokin og svo er leikurinn ekki alveg nógu góður bæði hvað varðar úrval og frammistöðu. En hvað um það, næg bregðuatriði og andskotinn allur af kraftmiklum augnablikum bæta upp fyrir það sem annars er hægt að setja út á myndina. Ég skemmti mér konunglega yfir Texas chainsaw massacre og gef henni þrjár stjörnur. Góð hrollvekja hér á ferðinni í kvikmyndahúsum.

Enn heldur endurgerðaræðið áfram í Hollywood, í þetta skipti var ákveðið að slátra Bandarískri mynd í stað þess að stela hugmyndum frá öðrum löndum. En hvernig er hægt að bæta myndir sem eru nánast fullkomnar? Ég hef alltaf álitið að endurgerð væri eitthvað sem ætlað væri til að bæta forverann. Þetta tókst vel í nokkrum tilfellum, t.d. The Fly sem Cronenberg endurgerði árið 1986 og svo má einnig minnast á The Thing sem Carpenter gerði 1982. Þessar endurgerðir mega eiga það að þær gerðu þó það sem þeim var ætlað, s.s. að gera gott úr annars fremur slöppum myndum. Núna upp á síðkastið hafa vitleysingarnir í Hollywood verið að ná sér í peninga á sem auðveldasta máta, þ.e. að endurgera myndir sem þarf engan veginn að endurgera. Dæmi um þetta er The Ring(2002) og The Haunting(1999), þessar endurgerðir bættu ekki um betur hvað upprunalegu myndirnar varðar, heldur hæddust að þeim.


The Texas Chainsaw Massacre segir frá fimm ungmennum á leið sinni í gegnum Texasfylki, þegar þau rekast á unga konu, alblóðuga, vafrandi á miðjum þjóðvegi. Krakkarnir sem eru flestir prýðilega viðkunnarlegir (þó maður sjái strax hverjir munu deyja í myndini og hverjir ekki), taka veslings konuna uppí og ætla sér að hjálpa henni. Konugreyið reynir að segja þeim frá einhverjum hræðilega illum manni sem hefur víst “drepið þau öll”. Ekki nóg með þetta, heldur virðist konan vera búin að fá nóg af sinni jarðvist, skellir upp í sig byssu og skýtur sig. Krakkarnir reyna eins og þeir geta að finna einhverja hjálp og villast þá á Hewitt heimilið þar sem bíður þeirra allt annað en hjálp.


Eitt er víst, The Texas Chainsaw Massacre á eftir að vera virkilega vinsæl mynd. Ekki kæmi mér á óvart þótt að við heyrðum að þetta væri ógeðslegasta mynd allra tíma og allt þar fram eftir götunum. Það er svosem mjög skiljanlegt því að þetta virkar allt saman, stelpurnar skrækja í bíóhúsunum og strákarnir fá kannski að halda utan um þær á meðan.

Allt þetta breytir þó ekki þeirri staðreynd að The Texas Chainsaw Massacre (2003) er illa misheppnuð endurgerð…


Marcus Nispel sem er ný dottinn úr tónlistarmyndböndum reynir að stjórna þessu sökkvandi skipi sem gengur jafn vel (eða illa) og búast mátti við. Hér sjáum við endalaus bregðuatriði sem skilja ekkert eftir sig nema kannski þá staðreynd að ég fæ líklegast fyrr hjartaáfall heldur en ég kæri mig um. Einnig held ég að kvikmyndatökumaðurinn mætti aðeins að slaka á með myndavélina, sem er á köflum eins stjórnað sé af illa höldnum Parkinsonsjúklingi. Það lá við að manni væri óglatt á tímabili og oftar en ekki var maður heppinn ef maður sá hvað væri í gangi sem minnti mig óskemmtilega á Thirteen Ghosts(2001).


Það hefði átt að halda sig við handrit Hoopers, það hafði skemmtilegan frumleika og alvöru hræðslu. Sem að þessi mynd var laus við, hvort sem það er gott eða slæmt.

Sögubreytingarnar eru margar hverjar fáránlegar, og er allt gert til að sannfæra áhorfandann um að þetta gæti/hefði gerst. Því það vill svo skemmtilega til að myndin er auglýst sem “byggð á sannsögulegum atburðum”, Það virkar vel því að unglingar og börn í Bandaríkjunum halda því nú fram að Leatherface sé til og að The Texas Chainsaw Massacre hafi í raun og veru gerst. Því miður fyrir þetta fólk þá er þetta eins fjarri sannleikanum og hægt er að komast. Upprunalega myndin var lauslega byggð á fjöldamorðingjanum Ed Gein, hann var notaður sem grunnur að persónunni Leatherface og heimili hans. Þannig að þið sem haldið að Leatherface hafi verið eða sé til þá verð ég að hryggja ykkur…


Vegna vinsælda myndarinnar er ég ósköp hræddur um að fleiri Chainsaw myndir fylgi í kjölfarið... og ef þær verða líkar þessari er ekki von á góðu.


The Texas Chainsaw Massacre er upprunarlega frá 1974 og hefur allt það sem góð hryllingsmynd þarf að hafa; skuggalegt andrúmsloft, hæfilega mikið af viðbjóði og illmenni sem stendur líklegast upp sem besta sköpun á þorpara sem sést hefur í hvíta tjaldinu.

The Texas Chainsaw Massacre frá 2003 hefur ekkert… nema kannski langþreytta formúlu fyrir unglingahrollvekju. Fullt af tilgangslausum bregðuatriðum og allt er reynt til að kreista fram viðbjóðstilfinningu hjá áhorfendum.

The Texas Chainsaw Massacre er án efa ein magnaðasta spennumynd sem sést hefur á hvíta tjaldinu á þessu ári. hér segir frá Erin, Pepper, Andy og Kemper. Þau eru á leið á tónleika í texas, á leiðinni sjá þau kona á tvítugsaldri sem virðist hrædd og skelkuð en segir fátt, hún er eitthvað á móti því að þau fari í þá átt sem þau eru á leið til, hún segir bara, Þeir eru allir dánir, þau skilja þetta ekki allveg og svo segir hún bara, þið munið öll deyja og skítur sjálfan sig með byssu í munninn. Þau fara og leita hjálpar en komst fljótt að því að það er ekki allt sem sýninst á þessum slóðum, þau hitta þar (eða öllu heldur mæta þar) morðóðum gaur sem er ekkert fallegur í framan skal ég segja að nafni Thomas Hewitt (Leatherface) hann eltir alla í þeim einum tilgangi að drepa fólk og skera það í tætlur. En áður en ég segi frá allri myndinni vill ég skora á alla sem kjark hafa til þess að sjá þennan magnaða spennutrylli sem fær hárin til að rísa, ég gef henni fjórar stjörnur fyrir góða hrylingsmynd. Þessa verða allir að sjá.

Þetta er þannig mynd að þegar henni er lokið og vinurinn spyr ´hvernig fannst þér hún´. Þá kemur svona hik svona MMM eða Ahhhh. En þessi mynd var ágæt. Með spennandi og sjúk atriði. Alls ekkert frumleg þar sem þetta er endurgerð af upprunalegu myndinni frá 1974. Þetta er þessi hyperdrama hrollvekja sem er alls engin drama bara sull og blóð og smá spenna. Hefur týpíska efnið og er lítt frumleg og á varla meira en 2 og hálfa stjörnu skilið.