Fleiri pabbahelgar, önnur þáttaröðin um Karen, er farin í loftið á RÚV.
Fyrsti þátturinn var birtur 18. október og alls verða þættirnir sex. Í nýju seríunni hefur Karen fengið nóg af stefnumótaforritinu Tinder og leitinni að hinni einu sönnu ást. Hún ákveður að segja skilið við stefnumótabransann og læra frekar að elska sjálfa sig, en sú klisja reynist flóknari en hún lítur út fyrir að vera.
Nanna Kristín Magnúsdóttir leikur Karen, skrifar, leikstýrir og er aðalframleiðandi þáttanna. Sveinn Ólafur Gunnarsson fer með stórt hlutverk á móti henni. Framleiðslan er í höndum Cubs Production og Vintage Pictures.
Alltaf staðið til
Í viðtali við Morgunblaðið segir Nanna Kristín að það hafi alltaf staðið til að gera aðra seríu, enda hafi sú fyrri notið vinsælda. Hún bendir á að nýja serían gerist fimm árum síðar, þegar börnin hafi elst og Karen sé komin á nýjan stað í lífinu. Hún segist hafa viljað nota húmor til að segja söguna, en líka einlægni.
Þættirnir fjalla um skilnað, höfnun, foreldrasamstarf og það hvernig lífið verður öðruvísi en fólk hafði hugsað sér. Húmorinn er þó aldrei langt undan. Morgunblaðið fjallar sérstaklega um klaufalegt kynlíf í þáttunum og Nanna Kristín tekur fram að kynlíf sé yfirleitt ekki eins og í Titanic, þar sem hönd rennur niður móðuna á glugga.
Fleiri pabbahelgar eru aðgengilegar í spilara RÚV. Fyrsti þátturinn er 49 mínútur og þættirnir eru ekki við hæfi barna yngri en 14 ára.
Karen hefur verið einstæð þriggja barna móðir í fimm ár og nú orðin veraldarvön á Tinder. Hún leitar að hinni klisjulegu einu sönnu ást en gæti endað uppi með kjarnafjölskyldu númer tvö sem hún er alls ekki tilbúin…
Fleiri pabbahelgar 2026
RÚV
Heimildir: RÚV, mbl.is, Síðdegisútvarpið
