Einn heitasti nýgræðingurinn í bandaríska kvikmyndaheiminum um þessar myndir, Bryan Bertino, hefur skrifað undir samning sem kemur honum í leikstjórastól næstu tveggja mynda sinna; Black, sem mun verða spennutryllir með yfirnáttúrulega ívafi og síðan Alone sem ku einnig vera spennutryllir.
Fyrir þá sem ekki vita þá skrifaði Bertino handritið að The Strangers sem sló lúmskt í gegn í Bandaríkjunum og hefur komið 52 milljónum dollara í kassann, en þegar framleiðendur myndarinnar sáu hversu sterkt handritið var þá vildu þeir endilega fá hann í leikstjórastólinn. Rogue Pictures leist síðan svo vel á kappann að þau laumuðu að honum samning og því stendur Bertino frammi fyrir því að leikstýra tveimur myndum.
Allir aðilar hafa þvertekið fyrir það að The Strangers fái framhald