Þessar stórmerkilegu staðreyndir birtust fyrst í júlí hefti Mynda mánaðarins:
Áður en Kristen Wiig sló í gegn sem leikkona vann hún m.a. í mötuneyti Universal-kvikmyndafyrirtækisins.
Mae Whitman ljáði ungfrú klukku rödd sína hjá breska símafyrirtækinu British Telecom í þrjá mánuði árið 2008. Hún gerði þetta í auglýsingaskyni fyrir Disney-myndina Tinker Bell þar sem hún talaði fyrir Skellibjöllu.
Faðir Bellu Thorne er frá Kúbu en móðir hennar er af írskum og ítölskum ættum. Móðurmál hennar er spænska. Hún er lesblind.
Þeir Michael Douglas og Sir Laurence Olivier eru þeir einu sem hafa hlotið
Óskarsverðlaun fyrir bestu myndina og fyrir besta leik í aðalhlutverki.
Shirley MacLaine var skírð í höfuðið á Shirley Temple. Besta vinkona hennar
er Julie Christie sem bjó með bróður hennar, Warren Beatty, í rúmlega tíu ár.
Langafi Christophers Plummer var Sir John Joseph Caldwell Abbot sem varð
þriðji forsætisráðherra Kanada og um leið fyrsti forsætisráðherra landsins
sem var fæddur í Kanada.
Áður en Keanu Reeves var boðið að leika Neo í The Matrix vildu Wachowskisystkinin
fá Will Smith í hlutverkið, en Will hafnaði boðinu. Will raðar Rubikteningi á innan við mínútu og talar reiprennandi spænsku.
Olga Kurylenko lærði tyrknesku fyrir hlutverk sitt í myndinni The Water Diviner. Hún talar þess utan reiprennandi frönsku, rússnesku og ensku.
Dóttir Matthews Goode og eiginkonu hans, Sophie Dymoke, heitir Teddie Eleanor Rose Goode.
Danny Huston er sonur leikstjórans Johns Huston og leikkonunnar Zoe Sallis og því hálfbróðir Anjelicu Huston.
Leikkonan January Jones eignaðist son sinn, Xander Dane Jones, 33 ára gömul árið 2011 og hefur ávallt neitað að gefa upp hver er faðirinn.
Amma Zoë Kravitz dó 2 mínútum eftir miðnætti aðfararnótt 2. janúar 1995, en Zoë varð sjö ára 1. janúar.
