Fjórða American Pie myndin sem sýnd verður í kvikmyndahúsum er nú væntanleg, en mörg kunnugleg andlit munu birtast í henni. Eins og við sögðum frá fyrir nokkru síðan var ætlun framleiðandanna að fá alla gömlu leikarana aftur, en nú nýlega greindi People Magazine frá því að Chris Klein hyggðist taka að sér sitt gamla hlutverk.
Tökur á myndinni, sem mun bera heitið American Reunion, hefjast í lok maí á þessu ári. Ásamt Klein hafa þau Jason Biggs, Alyson Hannigan og Eugene Levy öll staðfest endurkomu sína, ásamt honum Seann William Scott í hlutverki ærslabelgsins Stifler.
