John Carter 2012
(John Carter of Mars)
Frumsýnd: 9. mars 2012
Lost in Our World. Found in Another.
John Carter er hermaður sem er sendur til Mars þar sem hann er tekinn til fanga af hinum þriggja metra háu verum sem þar hafa hreiðrað um sig. John tekst um síðir að sleppa úr prísundinni og hittir þá hina fögru prinsessu Dejuh Thoris sem hefur verið hrakin frá völdum. Í framhaldinu lendir John á milli steins og sleggju í baráttunni um yfirráðin á plánetunni... Lesa meira
John Carter er hermaður sem er sendur til Mars þar sem hann er tekinn til fanga af hinum þriggja metra háu verum sem þar hafa hreiðrað um sig. John tekst um síðir að sleppa úr prísundinni og hittir þá hina fögru prinsessu Dejuh Thoris sem hefur verið hrakin frá völdum. Í framhaldinu lendir John á milli steins og sleggju í baráttunni um yfirráðin á plánetunni rauðu og neyðist til að taka afstöðu fyrir hvað og hverja hann vill berjast. Sú barátta á heldur betur eftir að taka á sig ýmsar myndir því erfitt er að sjá hverjum John getur treyst og hverjir sitja á svikráðum ...... minna
Aðalleikarar
Leikstjórn
Þeir sem hafa gaman af þrívíddarmyndum fá ágætis sýningu fyrir peninginn. En þetta er engin Avatar.
Það vantar ekki upp á tæknibrellur og tölvutrikk, en söguþráðurinn er frekar þunnur finnst mér.
Svo er lopinn teygður heldur mikið og liggur við að hann slitnar þegar aumingja Carter er þrábeðinn um að berjast. Aftur og aftur. Og svo enn einu sinni í viðbót og svo bara einu sinni enn til öryggis.
En Nonni er ekkert á þeim buxunum og liggur við vonbrigðum þegar loksins kemur að einhverjum hasar.
Svo er þarna fögur mey sem gengur í gegnum ýmsar mannraunir en klikkar ekki á málningunni og er stífmáluð alla myndina eins og skinka í Kringlunni. Þó þetta sé ævintýramynd þá hefði ekki skemmt fyrir myndinni að krydda hana smá veruleikablæ.
En hún á sína góðu spretti sem gera þetta sæmilega afþreyingu. Húmorinn nær að skila sér og svo er þarna vanskapað hundkvikindi sem hittir vel í mark.
Þetta er dísætt þrívíddakonfekt, puðrað með flórsykri fyrir yngri kynslóðina. .
Góða skemmtun.
Um myndina
Leikstjórn
Handrit
Andrew Stanton, Edgar Rice Burroughs, Jessica Hecht
Vefsíða:
Aldur USA:
PG-13
Frumsýnd á Íslandi:
9. mars 2012
Útgefin:
12. júlí 2012
Bluray:
12. júlí 2012