Real Steel (2011)

Hnefaleikakappinn Charlie Kenton hefur verið á hraðri uppleið. Charlie dreymir um að hreppa heimsmeistaratitilinn og eftir harða bardaga og margra ára þjálfun virðist hann vera í þann mund að láta drauminn rætast. En þá er íþróttinni breytt að eilífu. Á stuttum tíma er mennskum hnefaleikaköppum skipt út fyrir risavaxin vélmenni sem berjast í þeirra stað. Vélmennahnefaleikar verður vinsælasta íþrótt heims og verður Charlie að bíta í það súra epli að kveðja feril sinn sem boxari. Þess í stað gerist hann kynningarfulltrúi en sinnir því starfi af litlum krafti. Einn daginn kemst Charlie að því að hann á ungan son, hinn ellefu ára gamla Max. Samband þeirra feðga er ekki upp á marga fiska í fyrstu en brátt vekur Max upp keppnisskapið í Charlie og saman ákveða þeir að byggja sitt eigið bardagavélmenni og freista gæfunnar í stærstu vélmennahnefaleikakeppni í heimi.