Marshefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í marsmánuði, sem og nýjum myndum sem gefnar verða út á DVD, Blu-ray og/eða VOD í mánuðinum.
Á forsíðum blaðsins eru tvær myndir sem margir hafa beðið eftir með mikilli eftirvæntingu – annarsvegar njósnatryllirinn Red Sparrow, með Jennifer Lawrence í aðalhlutverki, sem kemur í bíó á morgun, 2. mars, og hinsvegar glæný íslensk kvikmynd fyrir alla fjölskylduna eftir Braga þór Hinriksson, Víti í Vestmannaeyjum, sem kemur í bíó 23. mars nk.
Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.
