Við höldum áfram að telja niður í jólin með því að birta 10 uppáhalds jólamyndir Íslendinga samkvæmt kosningu sem við framkvæmdum hér á vefnum í nóvember. Samkvæmt þeim lista er smekkur Íslendinga á jólamyndum afar breiður, en í dag er komið að níunda sætinu…
9. sæti:
THE HOLIDAY (2006)
Hún lét ekki mikið yfir sér þegar hún kom fyrst í bíó, en hefur síðan náð að festa sig í sessi sem hátíðamynd, en jólin og nýárið eru bakgrunnur hjartnæmrar ástarsögu, þar sem vinkonur sem búa sitt hvoru megin Atlantshafsins ákveða að skipta á heimilum yfir hátíðarnar. Það hefur í för með sér óvænta rómantík fyrir þær báðar. Jólasnjórinn dregur fram það fallegasta í fólki.
Kíkið svo aftur á morgun til að sjá hvaða mynd er í áttunda sæti.
-Erlingur Grétar
