Harðasta mynd sumarsins kemur í almennar sýningar í dag og þar sem Kvikmyndir.is hefur verið að hæpa þessa mynd ágætlega upp er það sjálfsagður hlutur af okkur að gefa fáeinum heppnum notendum almenna boðsmiða á myndina. Á laugardaginn héldum við forsýningu, eins og kannski flestir hérna vita, og þótti stemmningin vera brjáluð og virtust langflestir hafa skemmt sér konunglega yfir testósteróndrifna fjörinu.
Ég ætla að hafa þetta svolítið skemmtilegt núna. Ef þú hefur áhuga að vinna þér inn tvo boðsmiða á myndina þá máttu senda mér tölvupóst á tommi@kvikmyndir.is og segja mér hvaða leikaraúrval væri algjör draumur í þínum augum. Semsagt, ef þú fengir að ráða, hvaða leikara myndir þú setja í harðhausaspennumynd í líkingu við Expendables. Menn geta þarna aðeins farið að láta ímyndunaraflið leika sér og reynt að sjá fyrir sér sína „drauma“ hasarmynd.
Sendið mér ykkar komment og ég mun draga af handahófi úr póstum á miðnætti í kvöld. Fylgist með mailinu ykkar í kringum þann tíma.
Gangi ykkur vel!
T.V.