Hinn ungi og efnilegi breski leikari Taron Egerton á í viðræðum um að leika titilhlutverkið í nýrri mynd um ræningjann brjóstgóða Hróa hött í Skírnisskógi, Robin Hood: Origins.
Egerton átti góðan leik í myndinni Kingsman: The Secret Service, og er sá leikari sem framleiðendur vilja helst fá í hlutverk Hróa.
Væntanlegt framhald Kingsman gæti þó sett strik í reikninginn, ef tökur myndanna beggja lenda á sama tíma.
Næst má sjá Egerton leika á móti Tom Hardy í bresku glæpamyndinni Legend eftir Brian Helgeland.
Í myndinni mun Hrói snúa aftur úr krossferð og komast að því að Skírnisskógur er helsjúkur af spillingu og illsku. Hann stofnar útlagaher og tekur málin í sínar hendur.
