Þrátt fyrir að þrjár nýjar og spennandi kvikmyndir hafi komið í bíó um síðustu helgi hafa Brad Pitt og félagar hans í Bullet Train enn traustatak á toppsæti íslenska bíóaðsóknarlistans, þriðju vikuna í röð. Nýju myndirnar, When the Crawdads Sing, Dragon Ball: Super Hero og Easter Sunday, náðu fimmta, níunda og tíunda sæti listans, í þessari röð.
Níu vikur á lista
Í öðru sæti, á sinni níundu viku á lista, er myndin um rokkgoðið Elvis Presley, Elvis, í leikstjórn Baz Luhrman. Myndin hækkar sig um eitt sæti milli vikna.
Þriðja sætið fellur svo í skaut ofurdýranna í DC League of Super-Pets, eða Ofurgæludýrabandalaginu, sem einnig færist upp um eitt sæti á topplistanum.
Sjáðu listann í heild sinni hér fyrir neðan:
