AMC hafa fengið þá hugmynd í kollinn að hugsanlega gera kvikmynd byggða á sjónvarpsþáttunum The Walking Dead. Handrit þáttanna var upphaflega ætlað fyrir kvikmynd í fullri lengd, en ákveðið var að gera þætti í staðinn. Fyrir þá sem ekki vita þá eru The Walking Dead sjónvarpsþættir sem fjalla um hóp fólks sem lifir í heimi eftir að uppvakningar hafa náð völdum.
Hugmyndin er að búa til kvikmynd samfara þáttunum (hvernig sem þeir ætla að fara að því). Kvikmyndin yrði þá gerð á svipaðan hátt eins og fyrsta X-Files myndin, en hún kom út á sama tíma og þættirnir og vakti töluverða lukku (ég man að ég var allavega skíthræddur þegar ég horfði á hana).
Enn sem komið er hefur ekkert verið ákveðið, en viljinn er fyrir hendi þannig að það má teljast líklegt að þetta verði að veruleika. Ég hef allavega heyrt verri hugmyndir. Hvað finnst þér ?