Það lítur allt út fyrir það að Quentin Tarantino ætli að fjárfesta í húsi Sverris Stormskers sem er staðsett á Vatnsleysuströnd! Sverrir hefur víst gert Tarantino tilboð um að kaupa þetta 190 fermetra ferlíki sem Sverrir byggði eftir eigin teikningu. Sagan segir að þeir félagar hafi hist á veitingastaðnum Caruso í Bankastræti þar sem Sverrir sýndi honum myndir af kastalanum. Tarantino liggur nú undir feld í Hollywood.
Á vefsíðu fasteignastofunnar sem er að selja húsið er fasteigninni lýst þannig:
Komið er inn á neðri hæð í forstofu, en þar gert ráð fyrir stofu,
borðstofu, eldhúsi, skála, búri, þvottahúsi og geymslu. Á efri hæð er
gert ráð fyrir tveimur svefnherbergjum, fataherbergi, skála, vinnustofu
og baðherbergi. Húsið er timburhús á steinsteyptri plötu. 1500fm ræktuð
eignarlóð, sjávarlóð með fallegu útsýni, Keili í baksýni og
Snæfellsjökul í framsýn. Aðalhurð, svalahurð og þvottahús eru úr
magnhogný. Gert er ráð fyrir hita í gólfi á neðri hæð en ofnar á þeirri
efri. Gert er ráð fyrir heitum potti í öðrum turninum og arni í stofu á
neðri hæð.
Eignin skilast fullfrágengin að utan og fokheld að innan. Fyrsta flokks timbur frá Lettlandi og gluggar frá Kanada er í húsinu.