Leikarar, leikstjórar og handritshöfundar eru ekki allt þegar kemur að kvikmyndagerð. Tæknibrellur eru orðnar einn stærsti hluti bíómynda nútímans en ekki er oft auðvelt að sjá og meta þau gífurlegu áhrif sem þær hafa á kvikmyndirnar.
Hér er dæmi þar sem sýnt er hvernig myndin „The Great Gatsby“ er fyrir og eftir tæknibrellur:
Myndin segir frá rithöfundinum Nick Carraway sem fer frá miðvesturríkjum Bandaríkjanna til New York vorið 1922, þegar djassinn og hið ljúfa líf ræður ríkjum í borginni. Nágranni Nicks í New York er hinn dularfulli milljónamæringur Jay Gatsby, og dregst Nick inn í heim hinna ofur ríku, heim sjónhverfinga, ásta og svika. The Great Gatsby gerist sumarið 1922 á Long Island og segir frá fyrrverandi hermanninum og núverandi sölumanni Nick Carraway og kynnum hans af hinum dularfulla og forríka Jay Gatsby, sem heldur miklar veislur á setri sínu en lætur sjálfur lítið fyrir sér fara, enda hafa fæstir þeirra sem sótt hafa veislurnar hitt hann í eigin persónu. Þeir Nick og Gatsby verða fljótlega ágætir vinir en um leið fer í gang atburðarás sem á eftir að verða örlagarík fyrir allar þær aðalpersónur sem við sögu koma.