Stuttmyndadagar 2008 verða haldnir í Kringlubíói þann 29. maí.
Veitt verða verðlaun fyrir bestu stuttmyndina að verðmæti 100.000 kr, 75.000 fyrir annað sætið og 50.000 fyrir þriðja sætið. Vinningsmyndin verður þar að auki kynnt á Short Film Corner á kvikmyndahátíðinni í Cannes og höfundi myndarinnar boðið á hátíðina.
Áhorfendaverðlaun verða í boði Vífilfells og Sambíóanna.
Skilafrestur er til 1. maí en hægt er að skila myndum til Kvikmyndafélags Íslands í Bankastræti 11 en einnig er hægt að skila myndum inn rafrænt á vefsíðunni stuttmyndadagar.is
Öllum er heimilt að senda inn myndir en hámarkslengd mynda er 15 mínútur. Nánari upplýsingar um reglur hátíðarinnar er að finna á heimasíðunni.
Stuttmyndadagar hafa verið haldnir í Reykjavík frá árinu 1992 og eru Reykjavíkurborg, Kvikmyndamiðstöðin, Vífilfell, Menntamálaráðuneytið og Sjónvarpið helstu bakhjarlar hátíðarinnar.
Allar nánari upplýsingar fást á stuttmyndadagar.is