Nafn á næstu James Bond mynd, þeirri 24. í röðinni, var opinberað rétt í þessu. Myndin mun heita Spectre.
Leikstjóri myndarinnar, Sam Mendes tilkynnti þetta við hátíðlega athöfn í Pinewood kvikmyndaverinu í Buckinghamskíri í Englandi nú rétt í þessu, en tökur hefjast þar núna á mánudaginn.
Daniel Craig mun leika 007 í fjórða skiptið í þessari mynd, en stefnt er að frumsýningu í Bretlandi 23. október á næsta ári.
Tilkynnt verður um aðra leikara við sama tækifæri, en sent er út beint frá viðburðinum.
