Fyrsta myndin hefur verið birt úr tökum á nýrri mynd BAFTA verðlaunahafans Amma Asante, Belle, en hana má sjá hér að neðan:
Amma skrifar sjálf handritið, en í aðalhlutverki er Gugu Mbatha-Raw, sem leikur titilhlutverkið, en leikaraliðið er stjörnum prýtt, og margir af helstu leikurum Bretlands koma við sögu.
Á meðal leikenda eru Tom Wilkinson, Sarah Gadon, Miranda Richardson, Penelope Wilton, Sam Reid,Tom Felton, Matthew Goode, James Norton og Emily Watson.
Framleiðandi er Damian Jones sem hefur áður gert myndir eins og Óskarsverðlaunamyndina The Iron Lady með Meryl Streep í hlutverki Járnfrúarinnar Margareth Tatcher.
Belle er saga af ástríðu og rómantík. Hún segir sögu stúlku af blönduðu þjóðerni sem alin er upp sem hefðarfrú í Englandi á 18. öld.
Belle er önnur mynd Amma sem handritshöfundar og leikstjóra, en hún fékk BAFTA verðlaunin bresku fyrir A Way of Life árið 2004.
