Tökur á The Amazing Spider-Man 2 eru í fullum gangi þessa dagana. Paul Giamatti leikur illmennið í myndinni og Andrew Garfield fer með hlutverk kóngulóamannsins að nýju. Myndin er framhald myndarinnar vinsælu The Amazing Spider-Man, og helstu leikarar eru Andrew Garfield, Emma Stone, Jamie Foxx, Shailene Woodley, Dane DeHaan, Colm Feore, Paul Giamatti og Sally Field.
Hér fyrir neðan má sjá myndband og myndir af slagsmálaatriði frá tilvonandi kvikmynd og má með sanni segja að Rhino sé með allt niðrum sig. Samkvæmt tilkynningu frá Columbia Pictures þá verður þetta fyrsta Spider-Man myndin til að verða tekin alfarið í New York og nágrenni.
Í The Amazing Spider-Man 2, á Peter Parker, sem leikinn er af Andrew Garfield, annríkt eins og fyrri daginn, á milli þess sem hann berst við illmenni í búningi Köngulóarmannsins og eyðir tíma með kærustunni, Gwen, sem leikin er af Emma Stone, þá líður að útskrift úr menntaskóla. Peter er ekki búinn að gleyma loforðinu sem hann gaf föður Gwen um að vernda hana með því að halda sig fjarri henni – en það er loforð sem hann einfaldlega getur ekki staðið við.
