Nýtt plakat fyrir James Bond-myndina, Spectre, var afhjúpað í dag. Á myndinni sést Daniel Craig í hlutverki njósnara hennar hátignar, en þetta er í fjórða sinn sem hann fer með hlutverkið fræga. Með aukahlutverk fara Cristoph Waltz, Dave Bautista, Monica Bellucci, Léa Seydoux og Andrew Scott.
Að þessu sinni reynir Bond að afjhúpa ill samtök sem hafa uppi dulkóðuð skilaboð úr fortíð hans. M á í pólitískum átökum við að halda leyniþjónustunni gangandi, en Bond flettir ofan af svikum til að sýna fram á hinn hræðilega sannleika á bakvið Spectre.
Hér að neðan má sjá plakatið þar sem Bond er með byssu við hönd, alvarlegur á svip og með heiðblá augu.
