Ofurhetjur og Coco í nýjum Myndum mánaðarins

Nóvemberhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í nóvembermánuði, sem og nýjum myndum sem gefnar verða út á DVD, Blu-ray og/eða VOD í mánuðinum.

Á forsíðum blaðsins eru tvær myndir sem margir hafa beðið eftir með mikilli eftirvæntingu – annarsvegar ofurhetjumyndin Justice League, sem frumsýnd verður þann 17. nóvember nk., og hinsvegar teiknimyndin Coco, sem kemur í bíó 24. nóvember.

Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.

Smelltu hér til að lesa Myndir mánaðarins á kvikmyndir.is