Nýjar myndir úr The Equalizer

theequalizer-Nýjasta kvikmynd Antoine Fuqua, The Equalizer, skartar þeim Denzel Washington og Chloe Moretz í aðalhlutverkum. Kvikmyndin er gerð eftir þáttum sem voru sýndir á níunda áratugnum og fjölluðu um fyrrverandi lögreglumann sem tók það að sér að hjálpa fórnarlömbum sem lentu í hótunum.

Fyrstu myndirnar voru opinberaðar fyrir stuttu og má þar sjá Washington og Moretz í hlutverkum sínum. Myndirnar segja ekki frá miklu en sýna þó vinskap á milli aðalpersónanna og Washington í vígahug.

Washington leikur fyrrum sérsveitarmann sem setur dauða sinn á svið til að geta lifað rólegu lífi í nágrenni Boston. Hann ákveður að koma aftur til starfa til að bjarga ungri stúlku, Teri, og á nú í höggi við rússneska glæpamenn.

Moretz leikur Teri og svipar hlutverkið til Jodie Foster í kvikmyndinni Taxi Driver. Foster lék þá unga stelpu sem var á villigötum í lífinu og var byrjuð að selja sig til þess að sjá fyrir sér.

theequalizer