Fyrrum glímukappinn, Dwayne „The Rock“ Johnson, fer með titilhlutverkið í nýrri kvikmynd um hina goðsagnakenndu persónu, Hercules. Margir bíða í ofvæni eftir því að sjá kraftajötuninn í hlutverkinu sem hann var eflaust fæddur til að leika.
Í dag var frumsýnd ný stikla úr myndinni. Í þessari stiklu fáum við að kynnast því að Hercules hefur snúið við blaðinu og vill einungis lifa í friði með fjölskyldu sinni, en þegar fjölskyldan hans er myrt þá þarf hann að finna sjálfan sig á ný og berjast gegn illum verum.
Leikstjóri myndarinnar er Brett Ratner en myndin er væntanleg í kvikmyndahús þann 25. júlí næstkomandi. Hér að neðan má sjá fyrstu stikluna úr myndinni.