Get the Big Picture vefsíðan segir frá því í dag að í undirbúningi sé ný kvikmynd sem byggð verður á ævi hins rómaða gamanleikara John Belushi, sem lést langt fyrir aldur fram. Segir vefsíðan að Todd Phillips standi á bakvið myndina, en Todd er einkum þekktur fyrir myndirnar The Hangover og Old School. Todd Philip er sagður skrifa handritið ásamt Steven Conrad, sem gerði Pursuit of Happyness. Ekkert hefur verið ákveðið með hver leikstýrir, hvort það verður Todd eða einhvern annar, en það verður ákveðið bráðlega.
Þessi formúla gæti orðið bráðskemmtileg, mynd um frábæran grínista, gerð af manni sem gerði The Hangover og Old School.
Þá er það stóra spurningin, hver ætti að leika Belushi? Jack Black er svona fyrsta sem manni dettur í hug, en við skulum bíða og sjá.
Hér að neðan sést stutt atriði úr Animal House með John Belushi í tóga klæðnaði.