„Ég heiti Max,“ tístir leikstjóri Marc Webb á samskiptavefnum Twitter, en í dag birti hann fyrstu opinberu ljósmyndina af leikaranum Jamie Foxx í hlutverki Max Dillon í The Amazing Spider-Man 2.
Myndin staðfestir það sem Foxx hefur sagt sjálfur um þessa persónu sína í myndinni, en hann sagði að sín útgáfa af Dillon – sem síðar breytist í ofurþorparann Electro í myndinni – „sé undirmálsmaður sem heimurinn hafnar…“
Eins og sjá má af myndinni þá er Foxx nördalegur, með hár sem farið er að þynnast og gleraugu sem eru þykk eins og flöskubotnar.
Miðað við það sem sjá má í baksýn, þá virðist hann hafa sérstakan áhuga á Spider-Man …
