Nýja stiklan úr Marvel ofurhetjumyndinni The Wolverine sem frumsýnd var á CinemaCon ráðstefnunni í Bandaríkjunum á dögunum, er nú komin á netið.
The Wolverine er með ástralska leikaranum Hugh Jackman í titilhlutverkinu, hlutverki The Wolverine, og leikstjóri er James Mangold.
Hlutir hreyfast, klær spretta fram, ninjastríðsmenn stökkva fram af byggingum, líkömum er hent til og frá, stokkið er yfir bíl, kona rífur af sér andlitið, Wolverine særist og fleira og fleira í þessari nýju stiklu.
Hetjan, stríðsmaðurinn, flóttamaðurinn, goðsögnin; The Wolverine.
Skoðaðu stikluna hér fyrir neðan:
Myndin verður frumsýnd þann 26. júlí í Bandaríkjunum og hér á Íslandi.
