Entertainment Tonight hafa hætt við að birta myndband í þætti sínum af Heath Ledger undir áhrifum fíkniefna í SAG partýi 29.janúar 2006. ET hafði áætlað að sýna videoið í fyrsta þættinum sem áhorfendatölur yrðu mældar á þessum ársfjórðungi. Þeir eru taldir hafa keypt myndbandið fyrir 200.000 dollara í von um að auka áhorf á þáttinn.
„Þeir sem þekktu Heath vissu að hann var einlægur leikari, góð manneskja og góður faðir og við viljum að það verði munað eftir honum á þann máta“ sagði Mara Buxbaum sem vinnur fyrir umboðsfyrirtæki sem lagði víst mesta áherslu á að hætt yrði við birtingu myndbandsins.
Á myndbandinu sést Ledger neyta kókaíns og tala um áhrif kannabisefna á sig ásamt fleiru. Þessar fréttir koma í kjölfar þess að fyrrverandi eiginkona hans, Michelle Williams, sagði fjölmiðlum frá því að hún hafði oft reynt að fá hann til að fara í meðferð en með engum árangri og er það talin helsta ástæða skilnaðar þeirra.